Қызыл пальма майының шығу тарихы мен дамуы

Пальма майының пайда болу тарихы ежелгі замандарға, Мысыр перғауындарының дәуіріне дейін барады. XIX ғасырдың ортасында антрополог Фридель М. С. Мысырда қазба жұмыстарын жүргізіп, майлы тұнбасы бар ыдыс тапқан. Зерттеу барысында бұл тұнбаның батыс Африканы отаны етіп санайтын Elaeis gineensis майлы пальмасының жемісіне тиесілі екені анықталған. Зерттеулер пальма майының тағам ретінде 5000 жыл бұрын қолданылғанын көрсетті.

Пальма майы жайлы алғашқы жазбалар XV ғасырға тиесілі құжаттарда кездеседі. Бұл жаңалықтар португалиялық саяхатшыларға тиесілі.

Тарихынан

Оңтүстік-Шығыс Азияда майлы пальма алғаш рет 1848 жылы пайда болды. Оны даттықтар Нигериядан Индонезияға әкеліп, декоративті өсімдік ретінде қолданған. Малайзияға майлы пальманың тұқымдарын 1875 жылы британдықтар жеткізді. Экзотикалық пальмалар Малайзияда көп ұзамай үлкен танымалдылыққа ие болды, ал 1886 жылы британдықтар осы жетістіктен шабыт алып, егу үшін жаңа партия тұқым әкелді. Пальмаларды даңғылдардың бойына отырғызды, олармен беделді мырзалар өз иеліктерін сәндеді.

Алайда, кейбір шаруалар бұл әсем пальмалардың басқа қасиеттерін де байқады: төзімділік пен жемісінен алынатын жоғары сапалы май. 1909 жылы Ауыл шаруашылығы департаменті май алу мақсатында пальма плантацияларын өсіру бойынша ұзақмерзімді бағдарламалар әзірледі.

1917 жылы, пальманың Малайзияға әкелінгеніне 40 жыл өткен соң, алғашқы пальма плантациясы отырғызылды. Ол уақытта Бірінші дүниежүзілік соғыс майлар мен тоң майлардың әлемдік жеткізілімін азайтқан еді. Сондықтан өсімдік майларын өндіруге қаржы салу келешегі зор іс саналды. Малайзиялық шаруалар ұзақ уақыт бойы каучук өндірісімен айналысқандарына қарамастан, біртіндеп пальма майын өндіруге көбірек көңіл бөле бастады.

Пальма майы дегеніміз не?

Майлы пальмалардың отаны – Батыс Африка. Бүгінгі күнге дейін жергілікті тұрғындар оларды өсіріп, дәстүрлі әдістермен өз ауылдарында май алады. Батыс Африкада пальма майы көбінесе шикі күйінде, ұлттық тағамдардың ажырамас бөлігі ретінде қолданылады. Қазіргі таңда майлы пальмалар Африканың ылғалды тропиктерінде, Латын Америкасында және Оңтүстік-Шығыс Азияда өсіріледі.

(OXG) HYBRIDS пальмасы Elaeis oleifera (латинамерикалық майлы пальма) мен Elaeis guineensis (батысафрикалық майлы пальма) арасындағы будандастырудың нәтижесінде шығарылған. Бұл гибрид кәдімгі өсімдіктермен салыстырғанда жоғары сапалы көрсеткіштерге ие болды.

Пальмалардың жемістері ірі шоқ болып өседі, бір шоқтағы жемістердің саны кейде 2000-ға дейін жетуі мүмкін. Қызыл пальма майы сүйектің айналасындағы жұмсақ қабатынан алынады. Өңдеу барысында жұмсақ бөлігі сүйектерінен ажыратылады да, механикалық сығу арқылы тазартылмаған пальма майы алынады. Кейін арнайы технология бойынша фракциялау, тазалау және дезодорация жүргізіледі. Нәтижесінде рафинадталған, дезодорацияланған қызыл пальма майы – «Nutrolein Red Palm Oil»®️ алынады.

Сүйектердің өзі де қайта өңдеуге жіберіледі: оларды шағып, дәндерін бөліп алады. Осы дәндерден қосымша өңдеу арқылы пальма-ядро майы алынады, ол да түрлі салада қолданыс табады.

«Nutrolein Red Palm Oil» қызыл пальма майының өндірушісі

Unitata Plantation Bhd компаниясы пальма майын өндіруге өз капиталы мен жерін салуға шешім қабылдаған алғашқы компаниялардың бірі болды. Олардың бастамасын көп ұзамай өзге кәсіпкерлер де қолдады. Алайда Екінші дүниежүзілік соғыс кезінде көптеген плантациялар ұрыс алаңына айналып, пальма майын өндіру уақытша тоқтатылды.

Кейінгі төрт жылға созылған жапон оккупациясы кезеңінде ересектер мен балаларға ағзаға қажетті дәрумендер мен майлардың жетіспеушілігі қатты сезілді. Сол уақытта олар күнделікті шикі пальма майын тұтынды. Нәтижесінде пальма майының барлық пайдалы қасиеттері мен құнды тағамдық артықшылықтары айқын көрінді.